Plazaren defentsa nik euskaraz egin nahi nuen, baina askok ekin zidaten erderaz egin behar nuela. Behintzat zati bat egin behar nukeen. …eta, jakina, diapositibak eurak erdaraz egon behar zuten. Azalpenik elokuenteena euskaltzale batek eman zidan: Espainiako puntatik dator zure defentsa entzutera. Deferentziaz, ez bada ere, ez dago txarto berak sentitzea zuk kontuan hartzen duzula zelan sentituko den.
Eureka! esan nuen nire artean: Bakar-bakarrik lortu behar dut sistema bat diapositiba nagusiak proiektorean euskaraz egon arren, batera pareko erdarazko diapositibak erakutsiko dituena tablet batean.
Ez nintzen iritsi eta euskarazko en vasco diapositibak erakutsi nituen las mostré… Motz 🤮. +
Baina hile batzuk pasatuta erantzun zidaten eta nik uste nuena baino irtenbide errazagoa aurkitu nuen.
- Reveal.js erabili
Diapositibak HTML formatuan sortzen ditu.
Hemen Quarto erabilita. Hemen revealjsren web nagusia. - Multiplex gehitu.
Gehigarri honek sortzen ditu diapositiba nagusia eta menpekoa. Biak berdinak itxuran, baina nagusian egiten den nabigazioak, Internetera konektatuta, menpekoa mugitzen du.
Jatorrizko proposamena izan zen norberak aurkezpena egin ahal izatea entzuleek euren telefono edo ordenagailuetan segitzeko.
Hemen Quarton erabiltzeko jarraibideak. - Jatorrizko diapositibak sortu (nagusia eta, nahi izatera, menpekoa), multiplex-erako kode batekin1.
- Egitura bera erabilita, itzulitako diapositibak sortu, multiplexerako kode bera erabilita.
Kasu honetan, diapositiba nagusiak bota behar dira eta soilik menpekoekin geratu. - Jatorrizko diapositiba nagusiko nabigazioak kode bereko menpeko guztietan eragiten du.
- Diapositiba elebakar koordinatuak prest, aurkezpen eleanitzetarako! 😀
- Horien kodea: https://github.com/JuanAbasolo/ehu-revealjs/tree/main/multiplex/kodi
Adibidea
Hemen ikusgarri dago, baina ikusgarriago zure ordenagailutik agindu eta zure telefonoan ikusten baduzu itzulpenen bat. Edo nahi duzun konfigurazioan.
- Nagusiak: Euskaraz.
- Menpekoak: Euskaraz.
- Menpekoak: Lunfardoz-edo.
- Menpekoak: Italieraren antzeko zerbait
- Menpekoak: Ahuntzerderaz
Beheko diapositiba nagusian egiten dena, besteetan eragiten du.
Azken oharrak
Erreza eta segurua da
Ez dago zertan online ipini diapoak URL batekin. Nahikoa da Interneterako lotura izatea, diapositiba nagusitik menpekoei agintzeko, baina diapositiba horiek norberaren ordenagailu edo tabletean egon litezte. Beraz, datuak gorde litezke.
UPV/EHUrako txantiloia
Diapositiben itxura gustatzera, proba ditzakezu nik egindako ehu-revealjs gehigarria erabilita. Argia eta iluna, ikusi duzunez, EHUko tipografiarekin.
Oin oharrak
Hemen eskuratu daiteke kodea: https://reveal-multiplex.glitch.me/ . Aukera gehiago ere badira. Baina nik honekin nahikoa.↩︎