Pasa den zemendian, MCA eta Dialektometria teknikak batera erabilita, aurkezpen bat egin genuen Arratiako datuak erabilita, Influencia del euskera estándar en el habla de dos generaciones del valle de Arratia: alfabetizada y no alfabetizada. Aurkezpena mentalki birpasatzen genbiltzala, datuei bestelako begirada batez heldu nien. Nahi barik. Begitandu zitzaidan, MCAk kalkulatzen dituen dimentsioak, akaso, bat etorri behar luketela distantzia linguistikoetara iraulitako datuen antolaerarekin.

Ea irudikapen hori zein neurritaraino dagoen ondo bideratuta:

Post hau irudiek osatzen dute, aurrekoetan azalduta daudelako distantzi linguistikoaren edo MCAren inguruko informazioa.

Distantzia Linguistikoen matrizea

Segidan dendograma eregiteko distantzia linguistiko matrizea:

RIV distantzia linguistikoaren araberako matrizea
	Dima Gazte	Dima Heldu	Euskera estandar	Lemoa Gazte	Lemoa Heldu	Zeanuri Gazte	Zeanuri Heldu	Zeberio Gazte
Dima Heldu	35.14
Euskera estandar	60.64	66.32
Lemoa Gazte	25.41	35.98	58.55
Lemoa Heldu	35.87	31.55	63.68	31.18
Zeanuri Gazte	27.75	31.64	55.87	23.60	31.79
Zeanuri Heldu	36.22	29.47	62.89	32.63	32.45	29.94
Zeberio Gazte	36.81	33.33	61.58	33.33	34.97	27.75	34.41
Zeberio Heldu	35.68	31.05	64.29	32.46	35.83	29.78	36.98	31.55

Eta goiko hori oinarri hartuta, segidako dendograma oinarrian.

MCA

MCA analisia oinarri hartuta, segidan lehenengo bi dimentsioen mapa, “biplota”, aldakiak zein informatzaile taldeak irudikatzen direalako. DIM 1ek eta DIM 2k bariantzaren erdia baino gutxixeago azaltzen dute.

Goiko irudian ageri-agerian dago puntu berde bat x,y (2.7, 0.1) koordenadetan. Horrek irudikatuko ditu euskara batu gogorreko hitzak, Arratian agertzen ez direanak (eb. igandea, amona, izeba…)

Teknika bera erabilita, hurrengoan irudikatu dira MCAko DIM 3 eta DIM 4, bariantzaren laurdena baino gutxiago.

Clusterrak eta MCAko dimentsioak batera

Tarte honetan, Ward-en arabera sortzen direan clusterrak (gehienez n-1) alderatzen dira MCAk datuen bariazioa azaltzeko kalkulatzen dituan dimentsioak. Bariantzaren % 100 azaltzeko n-1 dimentsio kalkulatu behar dira, horiek direlako oposizio posible guztiak.

Hurrengo irudietan dimentsioak banaka erakusten dira elementuen arteko oposizioaren arabera. Konparagai Warden araberako clusterren kopurua da dimentsioaren zenbakia + 1. Ezkerreko grafikoan nabarmentzen dira kolore gorri eta urdinez, clusterretan sortutako azken bietako elementuak.